CUARTO TÍTULO DE LIGA

No día de onte acadamos o título da primeira división da Liga de Fútbol Sala do concello de Outes.  A non presentación do equipo de Casa Jurjo, permiteunos un resultado favorable de 3 a 0, suficiente para asegurar o campionato. De este xeito, disputaremos por cuarta vez o Torneo Intermunicipal de Fútbol Sala.

De todos os xeitos, quedan dúas xornadas pendentes para o remate da liga. San Ourente e a Pousada son os dous equipos aos que nos temos que enfrontar.

MADERAS ROMERO 2 - SOUTO MARTIÑO 4

No partido de onte perdemos por 2 a 4 ante o equipo de Pontenafonso Souto Martiño. Tras adiantarnos no marcador por 2 tantos a cero, o equipo de Souto Martiño foi quen de darlle a volta ao resultado.

GRAN COMEZO DE LIGA

Esta fin de semana disputamos o segundo partido da liga e con el, acadamos a segunda victoria consecutiva.

Na primeira xornada vencemos, por un axustado 2 a 1, a Mazaricos. Neste partido lesionouse Sarry ao sufrir unha fractura do nariz. Xa na segunda xornada, a victoria foi moito máis contundente: 8 a 1 contra Bar Blanca.

Para a vindeira xornada, será Bar Toffe o rival que nos atopemos.

MADERAS ROMERO 8 - A POUSADA 6

Á falta de unha xornada para rematar a liga, a victoria por 8 a 6 ante A Pousada permítenos afianzar o segundo posto na liga. O partido, no que sempre fomos por diante no marcador, foi moi disputado e entretido. Por outra banda, a derrota de Tarás ante Toffe permite manter a categoría a este último e mandar á segunda división ao propio Tarás. A Pousada, Maderas Romero e Casa Jurjo son os outros tres equipos que a vindeira temporada xogarán en primeira.

MADERAS ROMERO 3 - CASA JURJO 5

Partido moi igualado onte no pavillón da Serra entre o Maderas Romero e Casa Jurjo, de non ser polas decisións arbitrais que marcaron claramente o desencadeamento do partido. Adiantouse o Maderas Romero no marcador e chegaría axiña o empate de Casa Jurjo. A falta de poucos minutos para o remate do primeiro tempo, o árbitro señalaría a sexta falta do noso equipo sen previamente avisar da quinta. E xa sobre o tempo (o marcador electrónico non funcionaba), sinalaría un novo doble penalti que decantaría o marcador para Casa Jurjo: 3 a 1. Na segunda parte, a pesar do dominio, cada equipo marcou dous goles deixando o marcador final en 5 a 3.

Con este resultado Casa Jurjo pornse por diante na táboa con tres puntos de diferencia.

MADERAS ROMERO 3 -VALADARES 3

Empate contra Valadares nun partido no que poidemos sentanciar co 2 a cero no marcador. Finalmente, reparto de puntos que nos permite seguir na primeira praza empatados con Casa Jurjo.

MADERAS ROMERO 1 - TARÁS 6

Primeira derrota da temporada ante un Tarás que foi superior durante todo o partido. Ao descanso chegouse con un 0 - 3 e logo do descanso recortamos distancia con porteiro xogador. Tarás ampliaría a difencia no marcador con porteiro xogador. Para a semana toca volver a senda da victoria.

MADERAS ROMERO 5 - BAR TOFFE 1

A segunda volta non pudo comezar de mellor xeito que cunha victoria clara ante Bar Toffe por 5 a 1. O e quipo de San Cosme adiantouse nor marcador con gol do Bolo e, apenas un minuto despois empatamos o partido. Deste xeito chegouse ao descanso co marcador igualado. Xa na segunda parte, o partido decantouse para o noso lado con catro novos goles. Esta victoria permítenos manter os tres puntos de vantaxa sobre o segundo clasificado: Casa Jurjo.

A vindeira semana teremos outro partido difícil: Tarás.